Sotuvda mavjud

61-951 rusumli kupeli yo‘lovchi vagoni havoni konditsionerlash tizimi bilan jihozlangan bo‘lib, 1520 mm kenglikdagi magistral temir yo‘llarda yo‘lovchilarni tashish uchun mo‘ljallangan. Vagon Ts 17923832-038:2023 texnik shartlari talablariga muvofiq ishlab chiqarilgan.

Vagonning ichki tuzilishida yo‘lovchilar uchun 36 ta uxlash joyi va kuzatuvchilar uchun 2 ta joy ko‘zda tutilgan. Vagon yo‘lovchi kupelari, yo‘lak, kuzatuvchi kupesi, qozonxona bo‘limi va sanitariya xonalaridan iborat.

Vagonning konstruksion tezligi 160 km/soatdan oshmaydi. Avtossepkalar ulanish o‘qlari bo‘yicha uzunligi 26 164 mm, tashqi kengligi 3105 mm, rels kallagi yuqori sathidan balandligi 4404 ± 10 mm. Vagonning tara massasi 62 tonnadan oshmaydi.

Vagon 68-921 va 68-922 rusumli II M turidagi aravachalar hamda EGV.08.U1 turidagi vagon osti generatori bilan jihozlangan.

Vagonning belgilangan xizmat muddati 28 yil. Vagonga umumiy kafolat muddati buyurtmachiga jo‘natilgan kundan boshlab 2 yilni tashkil etadi.

Asosiy xususiyatlar

• 36 ta uxlash joyi
• Havoni konditsionerlash tizimi
• 160 km/soatgacha konstruksion tezlik
• 1520 mm temir yo‘l iz kengligi
• Kuzatuvchilar uchun 2 ta joy
• 68-921 va 68-922 rusumli aravachalar
• 28 yillik belgilangan xizmat muddati
• Vagonga 2 yillik kafolat